صرف 10سیکنڈ کا ویڈیو کِلپ 66لاکھ ڈالرمیں فروخت

صرف 10سیکنڈ کا ویڈیو کِلپ 66لاکھ ڈالرمیں فروخت

میڈیا رپورٹ کے مطابق ویڈیو کلپ میامی میں آرٹ کے نمونے جمع کرنے والے ایک شوقین پیبلو روڈریگز فریل نے 67 ہزار ڈالر میں خریدا تھا جو انہوں نے منافع پر بیچا ہے ۔اس ویڈیو کو ایک ڈیجیٹل آرٹسٹ مائیک ونکل مان نے تیار کیا تھا ۔ دس سیکنڈ کی ویڈیو میں ڈونلڈ ٹرمپ کو شکست کے بعد ایک دیونما عفریت کی صورت میں دکھایا گیا ہے جس کی اطراف سے لوگ لاپرواہ ہوکر گزررہے ہیں۔

چونکہ ڈیجیٹل آرٹسٹ اپنی تخلیق میں بلاک چین عنصر شامل کرتا ہے اسی لیے اس کے جعلی ہونے کا امکان بہت کم رہ جاتا ہے ۔ یہی وجہ ہے کہ 67 ہزار ڈالر یعنی 10720000 پاکستانی روپوں میں خریدی گئی صرف دس سیکنڈ کی ویڈیو اب 66 لاکھ ڈالر یعنی ایک ارب روپے سے زائد میں فروخت ہوئی ہے ۔ پیبلو روڈریگز نے بتایا کہ وہ اس ویڈیو کی پشت پر موجود ڈیجیٹل فنکار کے کام سے واقف ہیں اور انہوں نے اس کی اصل ڈیجیٹل تخلیق کو خریدا تھا۔

اپنا تبصرہ بھیجیں